رذاذ عطر انثوي ..يسافر عبر الكلمات بهدوء ليلون هذه الصفحات الصامته يوميا بشرعية جنون !!!

الجمعة، ٢٥ يونيو ٢٠١٠






! تتعثر بك كلماتي كل مساء
فتعجز اناملي عن الكتابة

فاحمل توليبي !!!!!

لاضعها تحت وسادتي واسافر عبر حلمي اليك

وانتظر كطفلة لاراك هناك ولارتمي بين احضانك

علي اجن فيك ولا استيقظ من جنوني


الاثنين، ٢١ يونيو ٢٠١٠

.


وانت هنا ازداد سحرا وانوثة

اتسلل خلسة إلى اعماقه ..

فكل شيء مرتب هناك...!!!

اجوب الزوايا .! فاجد حشود افكار
ومزيج احاسيس" وجزيئات سكر" تطوق المكان
ورائحة المطر التي اعشقها تتغلغل بصمته
فاتوه واتشتت واتغمس بالارق والحيرة .................

وانطفئ هناك فوق موكبه المرصع بالرجولة
فاشتعل .. واصحى من جديد واترك غيبوبتي لاعاود الدندنة

ساحتل مساحاته بانوثتي!!!
فهو الان بيدي حزمة الوان
فمن اين ابدا رسمتي ؟؟؟؟

سالونه كما اشاء وامزج عالمه بعالمي
ساستوطنه رغما عنه

واخربش نوتات لحني فوق جسده
وساجعل العشاق يمارسون رقصهم بيننا


ساجعله خريفي وشتائي وربيعي
اما بالنسبة للصيف فساخبئ دفئ شمسه بقلبي
!!!!
لانه سيكون لي وحدي

غزوت عالمي فجاة
فهل انت حمل ثورتي؟؟؟

ففكرة ان اكون جنية صغيرة تحلق حولك
وتحط على وجنتيك وشفاهك تستهويني :)

هل اقترب موعدنا ..؟!!
فاتوق لاراقص نظرات عيونك
ولاتلذذ بالكرز الاحمر معك
.................

الأربعاء، ٢ يونيو ٢٠١٠



كانني اعاني ازمة قلبية

او شيء معين يتشبث بي

ياكلني يمزقني ويسبح في احشائي

احاول جاهدة التخلص من هذا الكائن الغريب الذي يخنق مشاعري

لكن دون جدوى .........

مازلت احاول خلق جو جديد حياة اخرى داخل حياتي خلايا امل جديدة ولكن كل محاولاتي بائت بالفشل

.,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,

الاثنين، ٣١ مايو ٢٠١٠

كلمات لا تطلب تاشيرة خروج

:)
المطر: شئ معين ساحر يغريني لاكتب لاشعر ولاتعمق بالكلمات

الموسيقى :الشيء الذي يثير جنوني الطفولي والسري والعشقي ............

توليب : زهور استثنائية وجدت لتثير اهتمامي

بطاقة سفر:تحرري من عالمي المؤقت وانطلاق روحي لجنة اخرى

لغة العيون:موقف غامض اتلذذ به كل مرة من جديد

احتمال: اكره اليقين في كل شيء واعشق كل ما ياتي احتمالا او صدفة


ساعة: شعوري بان الوقت سيمر مسرعا دون مبالاة بي

رسوماتي : قدرة خارقة على استحضار اي شكل واي لون اريده انا

صمت:حالة سكون تجعلك تصغي للافكار الكبيرة :)

...



انا ضد كل شي وكل حدا بيمس بحقوق الانسان
يعني اذا بحاول عبر عن رايي وبدافع عن الفلسطينيين ضد الاحتلال الصهيوني
مو بس لاني بتضامن مع كل انسان عربي !!! لا
الا لاني بكره استعمار الارض
وبامن انه كل انسان بيحقله يعيش بكرامه


ومين انت تتحط حد لحياتي او تحاصرني بارضي


............................................



السبت، ٢٩ مايو ٢٠١٠

راحوا




ما بقي حدا ......


راحوا
متل الحلم

بللت دموعي الوسائد

وذبلت الزهور حزنا على لوعتي

فحتى لو كنت سانسى ملامحهم

وساشغل نفسي عن ذكراهم

واتجاهل مرورهم من هنا

لكن !!

كيف سازيل عطرهم من انفاسي

من على جدران الطرقات

من على اوراق الورود

من اغطيتي

وملابسي واشواقي

..........

الجمعة، ٢٨ مايو ٢٠١٠

..

لفترة معينه قررت بطل اكتب شي بدفتر يومياتي
لاني لقيت شي "ممكن بقدر عبر من خلاله بطرق اجمل"
بالوان بصوت وبموسيقى وصورة واحسااااس
بس بعد هالشي ما عدت كتبت لا هون ولا هونيك ليش؟؟!!مش عمبعرف
مممم رح اطلب شي .....بالعادة انا برغم كل حدا بدو يتواجد بمدونتي انه يقرا كل شي وينتبه لكل كلمة بكتبها ...انا
بس هالملرة الشي بيختلف
عبالي اكتب شو بيخطر على بالي وارسم شو بحس وارسم شو بسمع وبشوف
هالمرة رح اكتب بدون تدقيق لغوي وبدون اي شي !!!!
اول كلمه ممكن اكتبها
تعبانه بس بهالطريقة بكون ظلمت حالي لانه هالكلمه ما بتكفي
عمبمرق بفترة كتير صعبة
الي فيها مش عمبفهم الناس ومش عمبفهم ذاتي ولا عمببقدر حاوب عالاسئله الي بتنطرح من عبير كل يوم
صار الحمل تقيل عليي
الدنيا مش الي الحب مش الي السعادة مش الي
الامل كمان لا
الانسان اخترع كذبه صغيرة بيقول انه كل حدا فينا بيقدر يستحضر هالاشيا
وفيه ايحب ويشعر وينبسط ويتامل
مهوي الانسان بطبعة كذاب شو جديد يعني بيخترع اشيا تيطلع من حاله عصبيه هيستيريه معينه

وبيشغل حاله بشي اصعب من الشي يلي كان فيه
انا

اختنقت

ولازم اطلع شم هوا


ا

الأحد، ١٦ مايو ٢٠١٠

My room

مممممم اخر فترة مش عمبقدر اتركها عميربطني فيها شي ما كنت حسه ولا اشعر فيه من قبل
فيهاااا شي ........ غموض معين عميحتجزني :)
My Room

















الخميس، ٢٢ أبريل ٢٠١٠

نسيان

سعيدة ولكن!!!!!

بمرارة غامضة لقد تعودت على وجوده معي ...
فاصبحت اشعر بشيء من الوحدة بعد ان تركني وحدي لموسم الشتاء البارد ......

لم يبقي سوى حقيبة تحمل ذكريات تؤكد وجوده واشياء توقظ بي حنين ابى ان ينسى

قررت نسيانك اخترت ان ازيلك وامحوك من صفحات كتبي
اعدك :)
لن تنسى من فرشت لك الطرقات بالاحمر
وعطرت ايامك بالياسمين
لن تنساني

الأربعاء، ١٤ أبريل ٢٠١٠

صباح جديد

صباح جديد
امل جديد !!! ممكن





شو بيصير لما بينسحب كل شي انت بتحبه
بيبعد وبيروح لحتى يختفي.......................
شو يعني هيك الامور بتصير منطقية اكتر !!!!
شو هالواقع وهالمنطق الي بيجعل الاشيا الي بتحبها تصير غير مرئية وبيخفيها

.............................................

ما فيي قول اني عمعيش ماساة صغيرة بهالفترة او قصة "شي" فاشل
لاني على طول كنت امن انه الدنيا ما بتتوقف عند هالاشيا لصغيرة وانه بعد في شغلات اكبر بكتير
............................

ممكن كنت حبك بس ما تتوقع موت من اجلك ..دائما كنت وهم بحياتي !!!كان عندي شي جواتي
بيعرف انك مجرد شي ممكن يتبخر بعد لحظات ..........فما بتفرق معي بتبقى او بتطير مع العصافير :)
.................................

على فكرة انا مطاردة من فراشات صغيرة ملونه بتحاول تدخل على قلبي او ممكن معدتي
تتولد احساس بشي معين
بس انا دائما عمحاول اهرب منها لانه الفراشات حلوييييين كتير بالوانهن بس لما بيطاردوك
وبيحاولوا يدخلوا من لعيون بيصيروا خطرين وممكن يسببوا بداخلي كوارث كبيرة
ما بدي كون بيت بيحضن هيك مخلوقات
................................................

الاثنين، ٥ أبريل ٢٠١٠

نسيان

اشتاقك


أشتاق اليك ..
أحتاج أن أرتمى بضعفى الأنثوى فى أحضانك ..


بطمنك رح انساك
وصفولي شي بياكلوه مع جرعة النسيان
شوكولاطة :)
فيك تبلع معها اي شي وبتنسيك طعمته الغريبه

فرح اكل شوكولاطة مع نسيانك
فجاة ما بيعود طعمة لمرار النسيان

وبكرة اكيد رح اصحى بمزاج حلو ورايق
ورح ذوب هالفرح بفنجان قهوتي
وابدا نهاري بلاك

الثلاثاء، ٩ مارس ٢٠١٠

كل يلي عايشين معي وبيعرفوني عميحكولي
اني عمبكبر بسرعة وعميلاحظوا طريقة وعي جديدة بشخصيتي
ممكن هالشي يكون صحيح بس انا بفسرة بطريقة تانيه الشي الي عمبيصير
انه الدنيا يلي عمتكبر مش انا بس انا عمشوف الدنيا على حقيقتها اكتر
احلام عمتخرب
قصص عمتخلص
مشاوير عمتنتهي
ومشاعر عمتتبعثر
حتى الورد الي عمحطو بكتابي مش عملاقيه ومش عملاقي عطرة ليش ورد هالايام معطر!!!
على فكرة
روضت نفسي ما تبكي على شي راح وما توقف عالاطلال لو الشي الي ما كان بيروح مني
وما في داعي اخوض كتير بمسالة الاسباب والشي الي خلاني اخسر
بس ليش كل حدا بتبدا تخيط احلام حوليه بيهرب وبيروح
او تحط راسك على كتفه بلاش تعانقة !!! بس تشكيله ما بتلاقيه
بيوظب اغراضه وبيسافر لبعيد وبيتركلك مكتوب صغير عسريرك بيحمل ذكرى الايام الي عشتوها سوى
بطلت انطر .....لانه اكيد ولا حدا رح يجي


الثلاثاء، ٢ مارس ٢٠١٠

nathalie

The whole world singing for her
بعد تفكير عميق تم اكتشاف شي جديد
بس هالشي مش مفهوم
والسؤال الي بيطرح نفسه
مين بتكون
نتالي ؟؟؟









الأحد، ٢٨ فبراير ٢٠١٠

ضايعة


مش عمبفهم على عبير
ولاعمبقدر قرر شو بدها بالرغم من
الصفحة البيضا لجديدةالي فتحتها
وقررت ابدا برسم ملامح الاشخاص اي بيعنولي بس ....!!!


ابقَ كمـــا أنتَ ،
لا مبالياً كي أظل أحبك
إذا أحببتني ،
سأهرب منك
فأنا أكره الحب المتبادل
لأنه لا ينجب غير الأطفال
والولائم والصــــــداع ... !!

غادة السمان

الخميس، ٢٥ فبراير ٢٠١٠


ممم احيانا لما بتحاول تتذكر بعض المواقف واللحظات بتطلع اجمل
اوقع الاحساس والتاثير عليك اكبر ما بعرف ليش؟؟؟
بس لما بتنظر عالشغلات من بعيد فيك تتمعن اكتر وتشوف كل شغله صغيرة فيها حتى ابسط الامور
مبارح حلمت حلم :)
بدي اكتب هالحلم واعملوا حفل توقيع تما ينتسى
ممم شفتوا حدي بكل محل قررت مضي نهار كامل حدو حوليه معاه تاشعر بوجودة
مرقوا 3 ساعات وانا امشي معاه بكل محل بكل ركن وزاويه
مقاهي ناس متاجر ورد وسيارات بس ما كنت حاسه بوجود اي شي من هالاشيا
كنت انا........وهوي....
وبس
ضلينا نمشي لحد موصلنا لحديقة كبيرة على بابها في شخص كبير قاعد على كرسي وعميعزف ومعه سله صغيرة
عميجمع شي او بالاحرى عميشحد بس بطريقه حلوة متل بعض الاشخاص الي بانجلترا بيشحدوا بطريقة لبقه جدا متلا بيقعدوا وبيعزفوا على اله نغمات رائعة وبيحطوا جنبهن طقية صغيرة ليحطولهن المارة بعض النقود
مممم هيك حسيت وانا جنبه كانه في شي عميجذبني لاتخبط بين مجموعة ملفات موسيقيةفي نفس اللحظة
ممم اخترنا مقعد صغير بين الشجر والمي قعدت جنبه ولع سيجارا وبدا يلعبلي باعصابي اصلا هوي بيعشق هالشي
ممممم بدا ياخذني بدخان تدخينه لعالمي الوردي الي فيه بيبين بابهى صورة رجوليه الي بتوديني للجنون.....................................................
ممممم كنت حاسه حالي بهاللحظة شي طفله صغيرة جنبه عمتحلم حلم صغير طفولي كتير وعمتحكيله عن شي قصة ما نامت تانهتها قبل بليله
وهوي عمبيناقش هالطفله بكلمات مرتبه واسلوب مميز ما بيستعمله اي حدا
فعشقت هالجنينه وهالعازف وهاللحظة وهالشغلات الي رتبها القدر تتحطني باجمل صورة معاه
بعدين قررنا نمشي شوي وندور على شي مكان تنرتب فيه احداث هالحلم
فاخترنا مكان كتيرمميز بيجمع بين جدرانه ذكريات حلوة بتخصنا نحنا وبس
قعدنا سوا وحاولنا ننسى كل شي حولينا موسيقى نسمات حلوة اضواء انعكس عليها نور البريق الي بعيونا
جو مميز وضحكات ونظرات وذكريات وافكار وكلام ..............................ز

وبهاللحظه ما كان بدي اي شي من الدنيا كان بيكفيني ضل حس بحنين انفاسه الي عميدفيني وما كانت بتفرق اذا رح ابرد بس يروح او لا
كل يوم عمتسكني شغلاته لصغيرة اكتر
عطرة
دخانه

ضحكته لمساته
انفاسه
اسلوبه بالحكي طريقة ابتكارة للامور
كل يوم عمبتورط اكتر وعمبغرق اكتر ومش عمتفرق معي عمعيش اللحظة غلط...... بس!!
الي بيخلق بهالدنيا مش ممكن بحكم منطق الابداع يكون انسان عادي باطوار عادية وبحزن وفرح عادي وبمقاييس عاديه
لازم يكون مجنوووووون متلي

مممم ما بنسى لمسة ايده وراسي على كتفه وانا عمودع هالحلم تاصحى كنت حاسه حاله دميه او شي لعبه صغيرة ما فيها تقعد بزاوي 90 وبدها شي حدا ينيمها بحضنه او ينيمها على كتفه لتكون مرتاحة
كنت انا وهوي في صورة من واقع مجزا كخيال او طيف ما بينعاد ولا بينعاش مرتين متل شي لقطة بصورة اتخذت بالصدفه او سرقه بعدسة شي مصور حالم !!!!!!
وخلص الحلم وصحيت
هالقصة من خيالي :) مش عارفه كيف اجت على بالي

الثلاثاء، ٩ فبراير ٢٠١٠

اليوم وصلني كتير رسائل
بس ولا رساله الي... او فيها...شي كلمه حلوة
كل الناس زعلانين من عبير
وبيشكوا انها ما بتسال على حدا وانها انانيه كتير
بس ليش هيك!!!!!!!!
:( هالشي كتير خانقني وبعد شوي رح اطلع اركض بالشوارع


Relax from Rami Lob on Vimeo.

الاثنين، ٨ فبراير ٢٠١٠

مممم لازم احكي لشي حدا عن الشي يلي حاسيتو
حاسه حالي طفله زغيرة عمتركض مبسوطة بلعبتها
او يمكن فراشه ملونه عمبطير بحريه ............احساس لذيذ
ما بيشبه شي ...
عميخليني حب شغلات ما في حدا بالدنيا بيحبها غيري
مممم دفيانه رغم البرد الي مغطي الدني
في بقلبي شي اخضر عمينبت ويكبر
شي مدفيني محسسني انو بعد في عالم غير عالمي ولازم اكتشفه
........................
بقله انا بالصدفه هون
بيحكيلي: :)
" ما احلى الصدف صرت حبها من يوم الي عرفتك"
ممم بتقول احلام مستغانمي
وسمعت تلك الكلمات التي تعطيك في جملة واحدة ما يكفيك من الحنان لعمر باكمله
:)
مممم حاسه حالي شي بطلة لابسه فستان كبير مع تاج بيشبه تاج شي اميرة
بطله طالعة من شي قصه متل سندريلا او بيضاء التلج او يمكن الاميرة النائمة
عمبتعرف على حالي من جديد
عمشوف بريق جديد بعيوني
ودقات قلب بلحن جديد
واحساس وسعادة وضحكة وامل



الخميس، ٤ فبراير ٢٠١٠

اسئلة وشغلات ممكن تعرفني على عبير اكتر
شغلات نفسي اسويها ؟؟؟
اكتب كتاب !! مهم واقدرمن خلاله ادخل قلوب الاشخاص المميزين ولامس مشاعرهم او
صير عازفة ما حدا بيعزف باحساسها .... وتطير ولامس السما من خلال عزفي
او اتعلم كل للغات العالم تاقدر اتفاهم مع اي حدا بقابله
ممم اقرا كل كتاب انكتب ........
وبعد في شي كتير اشيا بس ما فيي اكتبها رح خليها بدفتري الخاص :P بعدين بتقولو عني انسانه شفافه كتير :)

شغلات بعرف سويها ؟؟؟
ارسم رسمات مش مفهومة ورموز غريبة
بعرف جسد احساسي بالكتابه والكلمات
او وصل للناس شو بدي بعيوني بحس بجمال الشغلات حتى البسيطة البسيطة منها
اقعد تلت اربع ايام بنفس المحل بدون ما يكون في اي شي يشغلني
شغلات ما بعرف سويها ؟؟؟
خبي احساسي او برق عيوني لما بحب او بزعل او بنبسط او...او...او
اغني بدون نشاز هههه
او اعزف مقطوعة طويله ومتواصله

شغلات بتقتقلني؟؟؟
ممكن الوقت او صراع الوقت
انتظار نتيجة معينه .... او ردة فعل حدا
كلمات بستعملها كتير :]؟؟؟
بقبلك....!!!
ممم على فكرة
اها
احكيلك شغله
ليش...
المفروض

شغلات ما بعتقد تتغير بشخصيتي؟؟؟
مممم ذاكرتي الضعيفة ما بتذكر تفاصيل
زعلي من كل شي زغير وفرحي باي شي زغير
عصبيتي الزايدة والداخليه يعني الصراع النفسي
تحليلي للامور

فكرة مسيطرة عليي؟؟؟؟
اني زور طبيب نفسي او اهرب وسافر لعالم اخر
اكثر شغلات بخاف ليضيعوا مني؟؟؟؟
مكتبتي يعني كتبي الغالين عليي
ورسوماتي
ودفتر مذكراتي السري

اكتر لحظة بمتمتعني؟؟؟؟؟
لحظة مبشرب قهوة وبسمع فيروز

الأربعاء، ٣ فبراير ٢٠١٠

الساعة 11 ونص....
الحياة عمتتحول لوردي بشكل بطيء وانا في معطف دافي طويل
ووشاح وردي حميم...احتضن كتاب ومستمتعة بالدفا وعمحاول راجع
الشغلات الي تسللت وتخبت بدهاليز عقلي ....!!! اليوم
كان يوم غريب ما فهمته كان في جواتي رغبه مش طبيعية تاتعرف على شي جديد تحس ولامس شي جديد
تقابل حدا مميز متلا ما بعرفو من قبل او مثلا شوف عيون ما مرقوا عليي وحس احساس منو مفهوم
او غنية جديدة واعشقها واسمعها شي مليون مرة
او ذوق شي غريب ما ذقتو او احكي مع حدا شي جديد غير شو سويت اليوم وشو اكلت ومين بعرف وشو سويت بحياتي
او كتاب او مشوار!!!!!
شي جديد يحسسني انو الدنيا لساتها بتحب تسعدني وتفاجئني بامور زغيرة وبسيطة لاني انا بقدر كل شي فيه روح البساطة
فكان بدي شي جديد وخلص..........
.......
!!!!
كنت رايحة اليوم مشوار زغير وانا عمبمشي اكتشفت انو في بالحارة الي انا فيها ""معرض للكتاب"" وانا من نوع الاشخاص الي ما بيفوتو هيك شي وخصوصي انو بهالبلد الكريم قليل ما بيسووا هيك شغلات لانهن مخبيين الثقافه بسلال بخزاينهم من كتر الافراط بالثقافه وهالحمل لثقيل فنسيت المشوتر الي كنت رايحيتله وضليت رايحة اركض تاختار شي كتاب
بس هالمرة الصعوبه ما كانت باختيار موضوع لكتاب الا باني لازم لائم الكتب للمبلغ لزغير الي حامليته معي
مشكلتي عويصة :]
فاخيرا لقيت الشي يلي بيلائم افكاري وجيبتي اشتريت كتابين
1- اسمه
صمت الفراشات لليلى عثمان
2-
امراة حلم ازرق
شريت الكتب ضميتهن وطلعت اركض وكاني خايفه ليضيعوا مني او لانجبر دور على كمان شغله جديدة
كنت اتمنى ينبتلي جناح تطير فيهن واوصل عالبيت بسرعة وسكر على حالي واغرق بصمتي مع الكتب :)

الاثنين، ٢٥ يناير ٢٠١٠





مممم على فكرة انا انسانه بفكر كتير بس خصوصي اليوم كان نهار عالمي
فلهيك قررت اكتب شي شغله هون تما يروح كل تفكيري بلا طعمه

فكرت بحالي بطريقه مش طبيعيه ومالها حدود

وبالمواقف يلي بتصير معي يوميا

كل هالشغلات يلي عمبتصير بحياتنا اليوميه ان كان انا او انت ..او كل واحد منا .. عمبتخلينا ننسى العفويه انا مثلا مش عمبتصرف بتلقائيه

كل الوقت الدنيا عمتجبرني مثل وخبي واحيانا اكذب

متلا ابسط الامور اني مبسوطة كتير بالصفات الطفوليه الي بتلازم شخصيتي كل الوقت بس!!!!

عمبنجبر امحاها الدنيا عمبتكبرني وعمتجبرني وعمبتخليني اكبر.....و

اكبر

اكبر

لحتى صير ختيارة :)

مع انو بيني وبينكوا لو جردنا كل شغله زغيرة من كل شي كبير وكثير

منكتشف ومنشوف قديش الدنيا بسييييييييطة من غير تمثيل يعني شو فيها لو عبرت عن احساااااااااااااااااااسي بسوط عالي

او تصرفت على حقيقة افكاااري

يا عمي شي بيزهق

اليوم ............تحججت اني طالعة مشوار وطلعت مشي مشوار زغير ابو نص ساعة

وخصوصي اني انا بموووووووووووووووووووووووت بهذا الطقس وخاصتا المشي :)

طلعت لخفف عن حالي شوي وفكرت كتييييير ...............................................
في منطق جديد رح اتبعه

"انا مش مستني اي شي من ايييي حدا"""

يعنييي حتى لو حسيت حالي ضايعة لازم ضيع بس !!! جواتي لحالي بدون محدا يعرف اني ضعت""ويطلع يدور عليي"ههه

لانو اذا هالمجانين يلي حواليي عرفوا رح انجبر امحى احلامي

حلم...

ورا حلم

بعدين بصفي بلا احلام

واذا كنت حزينه او زعلانه لازم بدل دموعي بابتسامات يعني دموع مقعره على شكل ابتساماااات :)

بيقلولك صعب تعيش لحاااالك

ليش صعب؟؟؟؟؟؟
انا كل يوم بفتح عيوني ببتسم لحالي وبقلي مممم لازم اتضلي مبسوطة لانو ما في شي بيستاهل تزعلي :)

بحكيني ....... وبلعب بشعراتي وبغنيلي كمان
وبسليني تضل رايقة وبسمعني :)

كل شي بساوي لحالي مش بعازة لحدا وانت وهي وكلنا هيك كمان ........................
فينا نترك ونروح لما مننزعج ...........

لما انا بقدر واسي حالي :) خلص حلوين حوليي بس لما ما بيفهموني فيي لملم حالي احمل نفسي وطير عالسما مع النورس الابيض
الله على هالصوت وعلى هيك كلمات


الأحد، ٢٤ يناير ٢٠١٠

مممم صرلي كم يوم ما كتبت شي
وبالرغم من كل شي عميحفر براسي
مش عمبقدر ركب جمله حسية مفيدة
بس حضر نفسي وقول اجا الوقت المناسب
بيضوي ضو احمر
مكتوب عليه
××OfFfF ××
طيب ليش ؟؟؟
بس انا بحاجة اني فضفض واحكي
..........................................
ممم اكتشفت اليوم شغله كتير مميزة
شي كتير مميز بنظري ورائع لسمعي
غريب كيف ما كنت اعرفه قبل


الخميس، ٢١ يناير ٢٠١٠

سمك




فعلا نحنا البشر امرنا عجيب


وهالدنيا غريبه :)
خرابيط
وافكار عمتسبح باكفاريوم


سمك


الأربعاء، ٢٠ يناير ٢٠١٠

من دفتر مذكراتي





وحدة
هي رسامه او ممكن كاتبه او عازفة المهم !!!! بتحلم تكون شي
ممكن ساعية بريد :P
باسمها في لحن بيدندن هيك بيقولوا بتحتد كتير لما بتعصب وبتبكي بحرقة ومع هيك !! في عز العصبية ممكن تهدا فجاة متل موج البحر بسمه زغيرة بتطلع فجاة لما قلبها بيدق بتعشق البنفسج وكل شي الو معنى بهالدنيا
طفله عمتتعرف عالدني
بس تسالونيش مين لاني انا نفسي ما بعرفها







اغرق بحاله او برؤية

فماذا لو !! مشيت وراء عربة خشبية صغيرة ملونه
تملاها الورود
ممكن التوليب زهر البيلسان ممم الياسمين البنفسج الجلنار وزهر الليمون والزنبق النرجس
وفراشات تحوم وتطير لتلتقط بعض من الرذاذ المعطر
ماذا لو !!!!! وراء عربة تخبا بين ورودها ذكريات وقصص مشوقة لعشاق قد ابتاعوا البعض منها
فاسير خلف عربة الاحلام المللونة لينادونني
بائعة الورد
ها هي قد اتت ........





مرايه
احيانا بمرق من قدام لمرايه بشوف شخصية او وحدة !! :) بتشبهني
عمبتدندن فيها فبرجع خطواتي لشوفها منيح واسمعها بتمعن
وبينتابني شعور غريب قلق مش قلق خوف فرحة والله مانا عارف المهم
احساس بيشبه احساس الاطفال بيصير عندي فضول كسر لمرايي وفوت لعندها لاتعرف عليها ممكن اكتشفها
او لاقي فيها شي جديد...............................





بالباص

قاعدة بالكرسي يلي بييجي عالحد الي بيفصل بين القسم الاول والتاني
بشوف الي ورا بطرف عيني وبنتبه اكتر لكل يلي بيطلعوا قدامي وبيقعدوا وبيقرروا يغرقوا مع هالصمت يلي بينزل عليهن بالباص ........
والعيون بتعلق ورا الشباك مع عجقة السير والدنيا الماشي
كل حدا عندو قصه كل حدا بعيونو شي بيركبوا وبيستنوا
كانو رح يصير شي خارج عن العادة شي مش طبيعي
شو يلي بدو يصير ؟؟؟؟؟.....................







سكرنا الدفتر ......................................................................




الاثنين، ١٨ يناير ٢٠١٠

لن تزول الالوان


فالفراشات دوما تحترق

اذا طارت قريبة من الشمس





مسا البيلسان والياسمين وريحة زهر الليمون

فبالرغم من تبعثر مسائي
امسيكم
ممممم لقد تكسرت جميع المرايا
واحترقت الزهور
لقد تلطخ القمر بسواد الليل
والسحب غطت الشمس
وتلاشى حلمي الوردي
سابكي...!!!
قليلا لاحرر خنقتي
ولكنني لن اسمح بان ينهار عالمي الملون

الأحد، ١٧ يناير ٢٠١٠

طالع على بالي

اسقي الزهور في غيابك ولكنها ترفض ان تنمو....





لا اعرف لماذا اليوم تحديدا ؟؟؟
ولما الان

ولكنه لا يبارح قوقعة راسي ....
...........................
يحجزني..يحتلني..يحاربني..ياسرني..ينفيني..يكتبني ..ويمحيني
ويتعبني


فبعد ان اختفى لفترة


قد عاد !!!
عاد وهو يحمل على ظهره حقيبة كبيرة!!من الذكريات التي عشناها معا

عاد الي مع بسمته المميزة ليوعدني بالكثير الكثير ليحيكني ثوبا من صوف ويحرقني

فحينها لم اركض لابحث عن ركن او زاوية لاختبئ

بل ركضت اليه كطفلة تنتظر عودة والدها المحمل بالهدايا والسكاكر والالعاب
قفزت حينها كسنجابة تقفز فرحة نحو سلة جوز او كستناء


فتحت له اذرعتي لاعانقه واعانق الذكريات التي يحملها

وبدانا نخرجها سويا لنرتبها بخزانة واحدة فرحين

اخرجت جميع فساتيني لالبسها ...
وضعت اجمل عطوري من اجله جعلت الدنيا تمطر ورودا

تامرت مع كل صباح ليضحك له

غلفت له عالمه بالحب والاهتمام

كنت اقدس حتى دخانه

لكنه في ذلك الحين عندما كنت امارس طقوسي العشقية

كان يحزم امتعته خفيتا ويحضر نفسه

اه فطائرته على وشك ان تقلع

وكيف لي الا اودعه الست انا من رافقته طويلا ؟؟؟؟
ويجب علي الا انسى ان اضع له ذكرياتنا الجديدة بحقيبة اخرى لياخذها معه

فلم اكن اعلم ان هذا الحب قصير الامد وذهب وكانه لم يعد يوما

..........................
كيف تنام عيونه ؟؟دون ان تترنم على صوتي ؟؟؟
الا يحتاج لان يتغذى من حديثي كلماتي لمساتي وانفاسي

اه ه ه ه ه ه ه


يال غبائي الانثوي ؟!!!!
لقد ابقى لي مفاتيح البيوت التي لن نسكنها معا ومضى





اعرف


سوف يزورني عندما يجد صدفة بعض الذكريات على ظهر خزانته او بين ملابسه المبعثرة وهو يبحث عن ولاعة لحرق سجائره
ولكن مؤكد سوف انساه حينها ساكون قد اخذت وصفة سحرية لنسيانه

وسوف امضي انا ايضا مثله ولكنني سوف اترك له جميع الذكريات

لتخنقه وتاسره وتقتله مثلما قتلني .....


ممممممم
سوف انام الان عل حلة الغد انصع بياضا من حلة اليوم
ساحيك حلم رقيق هذا المساء حلم صامت ملون واعطره لاضعه بصندوقي الخشبي :)






السبت، ١٦ يناير ٢٠١٠

لما اعتدت الصمت؟

لما اعتدت الصمت؟

حسنا بعد أن تكلمت كثيرا وصرخت كثيرا أصبحت متعبة الشفاه .

فما فائدة الكلام إن لم يكن هناك من يفهمه ويسمعه....

ما فائدة الصراخ؟ إن كان لا يصل الصوت؟؟

أو أن كنا نسمع ولا نبحث عن ما وراء الكلمات.
فأخيرا قررت لف جسدي بصمت, الكلام والتفكير.
وغمست قلبي بالصمت وأنقذت عقلي من بحيرة الثرثرة
علي أكون يوما حرة أمام الشمس, وهادئة صامتة أمام القمر.
صدقوني ان اصمت فهذا لا يعني انني ضعيفة او يصعب علي الكلام.
لا.. فهناك حنين كائن بالأعماق يتحدث..ونعومة تتكلم بهمس ولكنها تخبئ من ورائها عصاة كبيرة
لما اعتدت الصمت؟..
فهذا بعد ان حدث بعد ان وجدت نفسي نفسي بتلك اللغة قادرة بالتعبير عن الالم الشافع وعن فرحي وحزني ورقصي؟؟
فما لي اجمل من ان اغني بصمت؟ وانام وابتسم واتكلم وارقص واشعر بسكون... واتلذذ واعدو بهدوء فذلك الصمت حررني....واراني اشياء لم اراها يوما وجعل مني قادرة على ملامسة اجنحتكم واصبح بمقدوري ..ان اشعر بالمطر وان اقف بالظل ؟تحت اشجار اللوز وجعل من جسدي مكان تختبئ به الريح مع فوضى حواسي الساكنه اصبحت افرح حين تتبلل قدماي وحين اضيع بين طيات لحفي وحين ابدا بالبحث عن فرحي بداخلي واهم من كل هذا انني ومع صمتي لا استطيع ان اغير اسمائكم او لون عيونكم ولكنني استطيع..ان اناجي ارواحكم والامس قلوبكم ....

كتاباتي.....